Diario de Navarra

Alarma faltsua Touré detektibearen jarraitzaileentzat. Hamargarren liburua argitaratu ondoren Jon Arretxe idazleak zalantzan jarri zuen bere pertsonaiaren abenturek jarraipena izango ote zuten. Ez zuen lortzen hamaikagarrena abian ipintzea eta, bitartean, telebistara egin zuen salto Burkina Fasoko protagonistak (telesailean ginearra), ETBko Primeran plataforman lehengo, TVEn orain eta Netflixen hemendik gutxira. Baina bitartean Arretxe ez zegoen geldi, beste hiri baten zegoen, ohi bezala Tourék biziko dituen bazterrak eta pertsonaiak zuzenean arakatzen. “Aurrekoan Las Palmasen egon nintzen, han Tourék zalantza izan zuen, mapan Kanariak Afrikan daude, bere herritik oso hurbil, eta hainbeste urtetan ibili da saiatu eta saiatu eta galdetzen dio bere buruari ea amore emango duen”, dio idazleak. Baina urte hauen ondoren jadanik etxea galdu du, emaztea eta familia berataz ahaztu dira eta ez dio zentzurik ikusten etxera bueltatzeari”, azaltzen du Arretxek. Hori dela eta Las Palmasen itsasontzi baten sartu eta Bartzelonan agertzen da bere hamaikagarren eleberrirako: 'Zenbaki Gorriak' izenburuarekin kaleratu berri du Ereinek. Irakurleak korrika aurkituko du Touré, ihesi. Arretxek telebistan aurpegia ematen dion aktoreak kontatutako benetako gertaera batetik abiatzen da. Malcolm Treviño-Sitté gaur arrakasta izaten ari den aktorea da, baina gorriak pasa ditu baita ere iraganean. “Madrilen neonazi batzuk joan ziren bere bila jipoitzeko eta labankada bat eman zioten ipurdian beltza izateagatik”, adierazten du Arretxek. Pasadizo hori eraman du liburuaren hasierara. Oraingoan inoiz baino astunago sentituko du bere burua Tourék, bakarrik dago, bere lagun leial Osman, Xihab eta Kristina (Sa Kené) jada ez dauzka ondoan, eta degradazio-maila beherenera iritsi da. “Hau dramatikoagoa da”, aitortzen du Arretxek. “Bakar, bakar, bakarrik dago, eta zuloaren azpi azpian”. Bilbon, Parisen, Nafarroan, Madrilen, Bordelen edo Las Palmasen ibili ondoren Kataluniara egin du salto oraingoan, baina ez postaletako hiriburura, beste Bartzelona batera, Raval auzokoa. “Olinpiadak izan zirenean saiatu ziren auzoa berriztatzen, filmoteka bertan sartu zuten, museo bat ere bai eta Barceló hotel bat, baina gaur inoiz baino okerrago dago auzoa”, adierazten du Arretxek. Han ikusi ditu, bost izarreko hotelaren ondoan, milaka pertsona kalean lo egiten, narkopisosk, lapurretak eta zikinkeri ugari. Ravaleko banku baten egiten du lo Tourék, abailduta, lur jota eta bakarrik. Hango egoerak sinesgarriak direla onesten du Arbizun bizi den idazle bizkaitarrak, gehien bat egiazkoak direlako. “Han egon naiz urte honetan hiru egonalditxotan, ostatu merke baten”, dio Arretxek. Liburuaren pertsonaiak han ezagututakok dira, baina iluntasun honetak argi izpirik ere ikusi du, eta horregatik kaleko jendearekin lan egiten duten elkarteei omenaldi txiki bat egin nahi izan die. “Nik dena aprobetxatzen dut, bitxikeri guztiak hartzen ditut eta txertatzen ditut nola edo ahala nobelaren barruan”. Bitartean, telesailaren arrakastaren ondorioz, badirudi bigarren denboraldia egingo dutela. “Asko aldatu dute baina mantendu dituzte trama nagusi batzuk, sekundario batzuk, bere lagunak, pozik nago”, dio Arretxek. Konfirmatua ez badago ere, gidoiak idatzita daude. ZENBAKI GORRIAKIdazlea: Jon ArretxeArgitaletxea: EreinOrrialde kopurua: 184Salneurria: 21.50 euro

Diario de Navarra

Jon Arretxek Bartzelonan eta lur jota kokatu du Touréren liburu berria

‘Zenbaki gorriak’-en pertsonaia apailduta eta inoiz baino bakartiago agertzen da, telesailaren bigarren denboraldia prestatzen duten bitartean

Comentarios

Más de 20.800 alumnos estudian en la UNED en diversos programas

Sanción de 24 partidos al jugador que agredió a un árbitro en la Segunda Juvenil navarra

Cientos de personas y alta presencia política en el funeral de Carlos Garaikoetxea en Pamplona

Fotos del adiós en la iglesia de San Francisco Javier a Carlos Garaikoetxea

Fotos del adiós en la iglesia de San Francisco Javier a Carlos Garaikoetxea