Astearte honetan Amets Arzalluz-en bertsoak eta Ortzi Oiartzabalen bibolinak elkarrekin ikusgai Iruñean
Unai Iturriaga, Maialen Lujanbio eta Jon Maia bertsolariekin hasi zen pasa den asteartean aurtengo Bertsoaroa zikloa. Ostegunean, gainera, Katamalo taldeak Erantzi izeneko errezitaldia eskeini zuten.
Iruñeko Udalak, Nafarroako Bertsozale Elkartearekin batera antolatzen duen ekimen honek aurten hiru saio antolatu ditu, bertsoarekin eta poesiarekin zerikusirik duten bi musika ekitaldi eta euskal kulturak azken mende erdian izan duen bilakaerari buruzko hitzaldia.
Hurrengo ekitaldia bihar izango da, Gurutze Plazako Institutuan (20:00), Amets Arzalluzen bertsoekin eta Ortzi Oiartzabalaren bibolinaz. Ostegunean, Manex Agirre, Uxue Alberdi, Onintza Enbeita, Beñat Gaztelumendi, Erika Lagoma eta Julio Sotoren saioa egongo da entzungai.
Datorren asteartean Jose Angel Irigarayk hitzaldia emango du Erraldoien Txokoan eta hilaren 30ean azken bertso saioa: Jon Barberena, Sustrai Colina, Andoni Egaña, Igor Elortza, Xabi Paya eta Julen Zelaietaren eskutik.
© DIARIO DE NAVARRA. Queda prohibida toda reproducción sin permiso escrito de la empresa a los efectos del artículo 32.1, párrafo segundo, de la Ley de Propiedad Intelectual
